Seinastu tíðindi

DEILDARLEIÐARI TIL SJÓNÁM

20.01.2020

Søkt verður eftir deildarleiðara at byrja 1.mars 2020 ella skjótast tilber.

Starvsinnihald:

·         Faklig ábyrgd av undirvísing og skeiðsvirksemi

·         Ráðlegging, marknaðarføring og menning av útbúgvingum og skeiðsvirksemi

·         Daglig ábyrgd av rakstrinum undir stjóranum

·         Undirvísing innan maritimar útbúgvingar og -skeiðsvirksemi

 

Førleikar:

Umsøkjarin skal hava

·         Undirvísingarførleika eftir “Kunngerð nr. 107 frá 20. september 2005 um skiparaútbúgving”, kap. 6. Tað er útbúgving sum skipsførari, í minsta lagi 2 ára starvsroyndir sum skipsførari og staðið bachelorútbúgving frá hægri lærustovni.

·         Viðkomandi leiðslu- og arbeiðsroyndir, góð samstarvsevni og førleika til sjálvstøðugt arbeiði  

·         Góð evni at samskifta á føroyskum, norðurlendskum og enskum máli og

·         Kunnleika til samskiftis- og kunningatøkni

Fyrimunur

·         um umsøkjarin hevur útbúgving og royndir innan leiðslu

·         heilsu at taka prógv sum kavari

Tann, ið settur verður, skal vera til reiðar at taka útbúgvingar og eftirútbúgvingar, sum eru viðkomandi fyri starvið.

 

Setanarviðurskifti:

Starvið verður lønt sambært sáttmála millum Fíggjarmálaráðið og Fakfelag Sjómansskúlalærara Føroya, sæst á www.fmr.fo . Leiðsluviðbótin verður ásett av Fíggjamálráðnum.

Setanarøkið fevnir um sjóvinnuútbúgvingarnar á Sjónámi og Tekniska Skúla í Klaksvík.

 

Umsóknir:

Umsóknarfreistin er 7.februar 2020

Umsókn við ljóstøku av prógvum, yvirlit yvir royndir og møgulig viðmæli skulu sendast: 

 

Á teldupostadressu: runih@tsk.fo

 

ella

 

Sjónám

Postboks 20

FO-700  Klaksvík

stílað: Rúni Heinesen, skúlastjóri

 

Góðkenning frá DNV-GL
Góðkenning frá IASST
Achillies JQS góðkend