Starvslýsing

juli 13, 2022

Klaksvík, 13.juli 2022

LÆRARAR TIL SJÓNÁM – AVLOYSARAR

Søkt verður eftir tveimum undirvísarum til skeiðsvirksemið og undirvísing í skipsatstøðara- og skiparaútbúgvingini komandi skúlaár.

• Annað er fulltíðarstarv frá 15.august 2022 til 31.mars 2023 og
• hitt er ½-tíðarstarv alt komandi skúlaár.

Starvsinnihald:

• Undirvísa í trygd á sjónum. Undirvísingin fevnir um bæði ástøðiliga frálæru og venjingar við bjargingar- og eldsløkkiútgerð v.m.
• Undirvísingin fevnir um bæði ástøðiliga- og verkliga frálæru, sum eru ásettar í námsætlanum
• Vera við til vanligt viðlíkahaldsarbeiði á venjingarstøðini og aðrar fyrifallandi uppgávur
• Luttaka í toymisarbeiði til menninga av útbúgvingum og skeiðum
• Luttaka á námsfrøðiligum innleiðsluskeiði 3 dagar í viku 32-2022

Førleikar:

Umsøkjarin skal hava

• Lokið prógv sum skipsførari við minst 2 ára starvsroyndum við neyðugari eftirútbúgving innan trygd umborð á skipum, á boripallum ella flogferðslu, ið kann javnsetast og viðkomandi bachelor útbúgving
• Góð evni at samskifta á føroyskum, norðurlendskum og enskum máli
• Góð samstarvsevni og førleika til sjálvstøðugt arbeiði
• Kunnleika til samskiftis- og kunningatøkni og
• fyrimunur er um umsøkjarin hevur royndir sum undirvísari og -royndir frá t.d. sjó-, frálandavinnu ella loftferðslu

Setanarviðurskifti:

Starvið verður lønt sambært sáttmála millum Fíggjarmálaráðið og Fakfelag Sjómansskúlalærara Føroya, sæst á www.fmr.fo

Setanarøkið fevnir um sjóvinnuútbúgvingarnar á Sjónámi.

Spurningar til starvið kunnu setast Brandi í Funningstovu, deildarleiðara, tfl. 224464

Umsóknir:

Umsóknarfreistin er 24.juli 2022.

Umsókn við ljóstøku av prógvum, yvirlit yvir royndir og møgulig viðmæli skulu sendast: 

Á teldupostadressu: runih@tsk.fo

ella

Sjónám

Postboks 20

FO-700  Klaksvík

stílað: Rúni Heinesen, skúlastjóri