Sjúkraviðgerði, kista-C Endurnýggjan

Melda til Sjúkraviðgerði, beinleiðis leinkja:
7 Februar – HER
7 Mars – HER
19 Apríl – HER
16 Mai – HER
13 Juni – HER
15 August – HER

Upplýsingar: Man skal hava tað gamla sertifikat við.
Avboð skulu fráboðast umvegis teldupost í seinasta lagi 3 verkadagar frammanundan skeiðsbyrjan, so annar kann fáa plássið, fyri at fáa skeiðgjaldið afturgoldið.

Útbúgvingarætlan C, bilag 8: TRÝST HER

Átekning: STCW 78 A-VI/4-1 við seinni broytingum og EU-samtykt 92/29/EØF.

Upptøkukrøv: Sí bilag 8 stk. 5 í útbúgvingarætlanini og skilja føroyskt. 

Prógv: Skeiðslærarin metir um ein er skikkaður at fáa endurnýggjað prógv sítt, sum sjúkraviðgerði um borð í skipum við medisikistu C.

Luttakaratal: Í minsta lagi 3. Í mesta lagi 8.

Sjálvlestur: Skeiðið kann ikki takast umvegis sjálvlestur ella partvísan sjálvlestur. At bjóða sjófólki okkara sjálvlestur í sambandi við praktisk rættaði skeið við høgum førleikakrøvum er ikki ráðiligt.

Innlæring: Fult teknað endurnýggjanarskeið er ásett til 8 tímar og varðar 1 dag, har skeiðsluttakarin ognar sær vitanarførleikar og evnisførleikar, sum viðkomandi skal røkka fyri at verða sjúkraviðgerði um borð í skipum.

Sjónám hevur vælvitandi undirvísara við drúgvum royndum, sum kann sameina vanliga skúlastovuundirvísing við hin praktiska veruleikan.

Skeiðið verður skipað á tann hátt, at veruligt samsvar er millum ástøðiliga partin og starvsvenjingina. Evnisførleikarnir, ein ognar sær, verða givnir við góðum venjingum og góðum hentleikum og dugnaligum undirvísara, sum fylgir tær allan dagin, skeiðið varðar.

Ein sameining av tí praktiska og ástøðiliga undirvísingarháttinum, har undirvísari er til staðar alla tíðina – tryggjar góðskuna og stuðlar í størsta mun undir menningina av sjálvbjargni, samstarvsevnum og trygdina á sjónum sum heild.

Alt í alt er talan um eitt spennandi skeið har sum sjófólk okkara fáa grundleggjandi upplæring til at virka, sum sjúkraviðgerði umborð í skipi.

kr. 3.000,00
Onnur skeið
×